നിറങ്ങളെ അടക്കം ചെയ്ത കല്ലറയ്ക്കുമേല്
ഇന്ന് എനിക്കൊന്നാര്ത്തു പെയ്യണം
തോരാപ്പെരുംപെയ്ത്ത്.
ആകാശത്തിനു നരച്ച നിറം
അല്ല നിറമെന്നു പറയാനാവില്ല
നിറങ്ങളെല്ലാം അടക്കം ചെയ്യപ്പെട്ടുകഴിഞ്ഞു
അന്ന് ജയിലറകളുടെ ഇടനാഴികളില് വച്ചാണ്
എന്റെ നിഴല്പാതി നഷ്ട്ടപ്പെട്ടു പോയത്
പിന്നീട് കണ്ടതെയില്ല....
നരച്ച കല്ലറക്കുമേല് കുന്തിച്ചിരുന്നു
ഇരുട്ടിന്റെ ഒടുവിലത്തെ ആഴങ്ങളിലും
ഞാന് പരതിക്കൊണ്ടെയിരിക്കുന്നു
കാണുന്നില്ല.....
കല്ലറയ്ക്കുള്ളില് സ്നേഹത്തിന്റെ
മരണനീരൊലിച്ചിറങ്ങിയ കറ
പിന്തിരിയുമ്പോള് കാത്തു വയ്ക്കാന്
ബാക്കിയായത് ഒരു തുണ്ട് പാഴ്പേപ്പര് ....
നിറവും നിഴലും വേര്പിരിഞ്ഞതില്
ആരുടെയോ ചത്ത കയ്യൊപ്പ്!!!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ